Иттиҳодияи Аврупо аз Тоҷикистон даъват кард, ки хабарнигорон ва фаъолони маҳкумшударо “фавран” озод кунад
Иттиҳодияи Аврупо аз ҳукумати Тоҷикистон даъват кард, ки ҳомиёни ҳуқуқи башар, рӯзноманигорон ва фаъолонtе, ки дар зиндон қарор доранд, ба ишора ба нақши муҳими онҳо ҳамчун рукнҳои муҳими ҳар як демократия ва изҳори пуштибонӣ аз фаъолияти онҳо дар Тоҷикистон ба таври фаврӣ ва бечунучаро озод намоянд.
Ин даъват дар ҷараёни даври 14-уми Муколамаи солонаи ҳуқуқи башар миёни Иттиҳоди Аврупо ва Тоҷикистон, ки рӯзи 14 декабр дар Душанбе баргузор шуд, садо дод, ки дар баёнияи матбуотии намояндагии Иттиҳодияи Аврупо дар Ҷумҳурии Тоҷикистон рӯзи 18 декабр зикр шудааст.
"ИА ҳамчунин аз ҳолатҳои бадрафторӣ ва шиканҷа дар боздоштгоҳҳои кишвар изҳори нигаронӣ карда, аз Тоҷикистон даъват кардааст, ки талошҳояшро барои ислоҳоти низоми ислоҳотӣ идома диҳад", - омадааст дар хабар.
Гуфта мешавад, ки дар ҷараёни Муколамаи ҳуқуқи башар Иттиҳодияи Аврупо ва Тоҷикистон доираи васеи бахшҳои марбут ба ҳуқуқи инсон, аз ҷумла озодии иттиҳодияҳо, озодии баён, муҳити ВАО, озодиҳои динӣ ва эътиқод, инчунин, ҷилавгирӣ аз шиканҷа, ҳуқуқи занон ва табъизро баррасӣ карданд.
Иттиҳодияи Аврупо аз маҳдудиятҳои озодии иштироки сиёсӣ ва озодии баён, бахусус дар робита ба маҳдуд шудани фазои рӯзафзуни ҷомеаи шаҳрвандӣ ва расонаҳои мустақил дар Тоҷикистон изҳори нигаронӣ кардааст.
"Иттиҳоди Аврупо дар бораи тафтишоти нокофии нақзи ҳуқуқи инсон аз ҷониби мақомоти ҳифзи ҳуқуқ ҳангоми рӯйдоди ҳодисаҳо дар Вилояти Мухтори Кӯҳистони Бадахшон (ВМКБ) дар солҳои 2021-2022 пурсида, бори дигар бо мақсади таҳкими боварӣ зарурати ҳамкориро бо аҳолии маҳаллӣ ва ҷомеаи шаҳрвандӣ таъйид менамояд", - оварда шудааст дар баёния.
Делегацию Европейского союза возглавил Дитмар Крисслер, глава отдела по Центральной Азии в Европейской службе внешних действий.
Следующий раунд Диалога по правам человека между ЕС и Таджикистаном состоится в Брюсселе в 2024 году.
Иштирокчиёни муколама дархости Тоҷикистонро барои шомил шудан ба Системаи умумии имтиёзҳо (GSP+) ва ҳамкорӣ дар форумҳои бисёрҷониба баррасӣ карданд.
Ҷонибҳо ислоҳоти ҷорӣ дар қонунгузорӣ ва талошҳо барои таҳкими тааҳҳудоти ҳуқуқи башари Тоҷикистон ва зарурати қабули қарорҳои шаффоф ва фарогир дар асоси машварати мардум, аз ҷумла лоиҳаҳои қонунҳои дахлдорро баррасӣ карданд.
Ҳайати Тоҷикистонро дар ин нишаст Фирӯз Орзузода, сардори Раёсати кафолатҳои ҳуқуқи башари Дастгоҳи иҷроияи Президенти ҶТ раҳбарӣ намуд.
Ҳайати Иттиҳоди Аврупоро Дитмар Крисслер, роҳбари шӯъбаи Осиёи Марказӣ дар Хадамоти амалиёти хориҷии Аврупо роҳбарӣ кард.
Даври навбатии Муколамаи ҳуқуқи башари Иттиҳодияи Аврупо ва Тоҷикистон дар соли 2024 дар Брюссел баргузор хоҳад шуд.
Сурат: акс аз бойгонӣ
