Имконият барои тренерони миллӣ

Мутахассиси хуб дар соҳаи SMM ва мобилография ҳастед? Барои баргузор намудани даври омузиш донишу малакаи кофӣ доред? Пас ин имконият барои Шумост: мо ниёз ба хидмати тренерони бомаҳорат аз Тоҷикистон барои баргузор намудани 3 тренинги серӯза дар мавзӯи "Пешбурди SMM ва мобилография" барои журналистони ҷавон, блогерон ва фаъолони ҷомеаи шаҳрвандӣ дорем. Тренингҳо дар нимаи аввали моҳи ноябри соли равон дар пойтахт ва вилоятҳои Суғду Хатлон доир мегарданд.

Хоҳишмандон метавонанд дархости худро бо нишон додани малакаи корӣ дар самти SMM ва баргузор намудани тренингҳо дар ҳаҷми на зиёда аз 1 саҳифа (А4, ҳуруфи 14) ба суроғаи Этот адрес электронной почты защищен от спам-ботов. У вас должен быть включен JavaScript для просмотра. пешниҳод намоянд.

Талаботи дигар:

- донистани забони тоҷикӣ (балад будан ба русӣ ва инглисӣ афзалият дорад);

- малакаи амалияи SMM ва мобилография на камтар аз 3 сол;

- намунаи барномаи тренинг ё суолҳои матраҳ барои омузиш;

- малакаи муошират бо мухотабон (сертификати тренерӣ афзалият дорад);

- қобилияти кор дар тими тренерон;

- имконияти сафар кардан ба манотиқи ҷумҳурӣ.

Силсилаи тренингҳо аз ҷониби ТҶ "АМВАОМТ" (НАНСМИТ) ва Маркази матбуоти ҷумҳуриявӣ (ТҶ "Иттилот ва муошират") бо кӯмаки Барномаи рушди СММ дар Тоҷикистон баргузор карда мешаванд.

Хадамоти мониторингиии АМВАОМТ