Тоҷикистон ва дигар кишварҳои Осиёи Марказӣ дар феҳрасти "режимҳои худкома"
Freedom House, як созмони байнулмилалӣ, ки демократия ва ҳуқуқи башарро назорат мекунад, ҳамаи панҷ кишвари Осиёи Марказиро дар раддабандии нави худ ба давлатҳои дорои "худкомагии устувор" шомил кардааст.
Freedom House дар гузориши солонаи худ сатҳи демократия дар собиқ кишварҳои лагери коммунистии Аврупо, нимҷазираи Балкан, Авруосиёро таҳлил мекунад. Арзёбӣ дар мавриди идоракунии миллӣ, раванди интихобот, ҷомеаи шаҳрвандӣ, озодии ВАО, идоракунии маҳаллӣ ва фасод ва монанди инҳо гузаронида мешавад.
Холҳо барои ҳар як категория аз 1 (холҳои пасттарин) то 7 (холҳои баландтарин) мебошанд. Дар ин раддабандӣ аз 29 кишвар 8-тоаш дар гурӯҳи “режимҳои таҳкими худкома”, аз ҷумла Белорус, Озарбойҷон, Русия ва кишварҳои Осиёи Марказӣ боқӣ мондаанд. Ба эътиқоди коршиносони рейтинг, ҳукуматҳои ин кишварҳо ӯҳдадориҳои аслии ҳар як давлат дар мавриди таъмини амнияти мардумро нодида гирифта, ба ҳаёт ва амнияти шаҳрвандон таҳдиди мустақим эҷод кардаанд.
Дар соли 2023, нишондиҳандаҳои демократия дар 11 аз 29 кишвари ба ҳисобот дохилшуда коҳиш ефтанд ва дар 7 кишвар онҳо беҳтар шуданд. Бо вуҷуди ин, фаъолони шаҳрвандӣ ва роҳбарони демократӣ барои идоракунии беҳтар дар минтақаҳои гуногун мубориза бурданд - гуфта мешавад дар гузориш.
Хадамоти мониторингии АМВАОМТ
