Нурангез Рустамзода: Нагузоштанд, масҷидро навор гирем

Хабарнигори бахши дарии "Садои Амрико" дар Тоҷикистон шикоят кард, ки ходимони ҳифзи ҳуқуқ ба наворгирии ӯ дар масҷиди марказии Душанбе монеъ шуданд. Ҳодиса рӯзи 14-уми апрел рӯй додааст. Нурангез Рустамзода рӯзи 17-уми апрел нақл кард, ки барои ба навор гирифтани масҷид иҷозаи Кумитаи динро доштанд, аммо маъмурони милиса натанҳо напазируфтанд, балки таҳдид карданд. Ҳоло барои расидагӣ ба қазия ба Дастгоҳи иҷроияи президент ва Вазорати корҳои хориҷиву Вазорати корҳои дохилӣ нома фиристодааст. Мақомоти Тоҷикистон ҳодисаро шарҳ надоданд. Нурангез Рустамзода мегӯяд, мақомоти Вазорати корҳои дохилӣ ба ӯ ваъда додаанд, ки милиса барои рафтораш ҷазо хоҳад гирифт. Нақли хабарнигорро дар навор бинед.

https://www.ozodi.org/a/32367271.html