Озмуни грантҳои хурд

АМВАОМТ дар доираи лоиҳаи “Нигоҳ доштани тавозун: таҳкими устуворӣ ва рушди ВАО-и мустақил дар Тоҷикистон”, ки аз ҷониби намояндагии Иттиҳоди Аврупо дар Тоҷикистон маблағгузорӣ мегардад, озмуни грантҳои хурд барои иштирокчиёни даври омӯзишии “Журналистика ва ҷомеаи шаҳрвандӣ: фаъолияти якҷоя барои аҳолии маҳаллӣ” эълон менамояд.

МАҚСАД:

Рушди ҳамкорӣ байни ВАО (журналистон) ва ташкилотҳои ҷамъиятӣ.

ВАЗИФАҲО:

• Инъикоси мавзуъҳои иҷтимоӣ ва мусоидат кардан дар ҳалли мушкилоти ҷойдошта дар ҷомеа;
• Таҳкими ҳамкорӣ байни журналистон ва ташкилотҳои ҷамъиятӣ;
• Истеҳсоли маводҳо (силсиламаводҳо) дар мавзуъҳои иҷтимоӣ.

ТАЛАБОТ БАРОИ ИШТИРОКЧИЁН:

• Муҳлати ниҳоии пешниҳоди лоиҳаҳо аз ҷониби довталабон то 25 феварал соли 2021 аст;
• Маблағи лоиҳаҳои пешниҳодшаванда набояд беш аз 2500 (ду ҳазору панҷсад) евро мутобиқ ба курси Бонки миллии Тоҷикистон бо асъори миллӣ;
• Пешниҳоди саривақтии ҳисобот дар муҳлатҳои пешбинишуда дар лоиҳа;
• Фаъолияти якҷояи журналист (ВАО) ва ташкилоти ҷамъиятӣ;
• Иҷрои саривақтии чорабиниҳо;
• Нашри мавод дар расонаҳои расмӣ (давлатӣ, ғайридавлатӣ).

Довталабон метавонанд дархости худро дар шакли электронӣ ба суроғаи  Этот адрес электронной почты защищен от спам-ботов. У вас должен быть включен JavaScript для просмотра.  ва ё  Этот адрес электронной почты защищен от спам-ботов. У вас должен быть включен JavaScript для просмотра.  фиристанд.

АМВАОМТ лоиҳаи “Нигоҳ доштани тавозун: таҳкими устуворӣ ва рушди ВАО-и мустақил дар Тоҷикистон”, ки аз ҷониби намояндагии Иттиҳоди Аврупо дар Тоҷикистон маблағгузорӣ мешавад, дар ҳамкорӣ бо Ташкилоти байналхалқии ғайритиҷоратии Томсон Медиа (шарики байналмилалӣ) ва муассисаи ғайридавлатии «Маркази ҳимояи ҳуқуқӣ – Адвокати ту» (шарики маҳаллӣ) амалӣ менамояд.

Телефон барои маълумоти иловагӣ: +992 504 3013, +992 37 2248823

БАХШИ МОНИТОРИНГИИ АМВАОМТ