29 январ дар кадом вазорату идораҳо нишасти матбуотӣ баргузор мегардад?
Ҷадвали нишастҳои матбуотии фардо: Тафсилоти баргузорӣ дар гузориши АМИТ «Ховар»
Пагоҳ, 29 январ, дар пойтахти мамлакат даври навбатии нишастҳои матбуотии вазорату идораҳо оид ба ҷамъбасти соли 2025 идома меёбад. Бино ба иттилои АМИТ «Ховар», дар ин рӯз роҳбарони шаш ниҳоди давлатӣ бо намояндагони воситаҳои ахбори омма вохӯрӣ анҷом медиҳанд.
Тибқи ҷадвале, ки дар сомонаи расмии АМИТ «Ховар» интишор шудааст, силсилаи вохӯриҳо соати 08:00 дар Кумитаи ҳифзи муҳити зисти назди Ҳукумати Ҷумҳурии Тоҷикистон оғоз мегардад.
Соати 09:00 дар бинои Вазорати кишоварзии Ҷумҳурии Тоҷикистон нишасти муштараки ин вазорат ва Академияи илмҳои кишоварзии Тоҷикистон доир мешавад.
Дар ҳамин соат, чунон ки АМИТ «Ховар» хабар медиҳад, роҳбарияти Кумитаи меъморӣ ва сохтмони назди Ҳукумати Ҷумҳурии Тоҷикистон низ натиҷаҳои фаъолияти солонаи худро манзури хабарнигорон мегардонанд.
Баъдан, соати 10:00 дар Агентии беҳдошти замин ва обёрии назди Ҳукумати Ҷумҳурии Тоҷикистон нишасти матбуотӣ баргузор мегардад.
Дар анҷоми рӯз, соати 11:00, Вазорати энергетика ва захираҳои оби Ҷумҳурии Тоҷикистон ҷамъомади хабариро дар толори Ҷамъияти саҳомии кушодаи «Барқи Тоҷик» баргузор менамояд.
Бояд гуфт, ки нишастҳои матбуотӣ бо супориши Президенти Ҷумҳурии Тоҷикистон гузаронида шуда, ҳадафи онҳо таъмини шаффофият ва дастрасии саривақтии ҷомеа ба маълумоти расмӣ мебошад. Масъулини АМИТ «Ховар» ёдовар мешаванд, ки эълонҳо оид ба вақт ва макони нишастҳои навбатӣ ҳар рӯзи корӣ дар сомонаи агентӣ нав карда мешаванд.
Хадамоти мониторингии АМВАОМТ
