INTERNEWS NETWORK озмуни стипендияро барои истеҳсоли мавод "Формати хурд - 2024" эълон мекунад
Ин озмун барои кист?
Муаллифони мустақил, дастаҳои эҷодӣ ва гурӯҳҳои хурд метавонанд дар ин озмун иштирок кунанд. Идея бояд мувофиқ ва ба натиҷа нигаронидашуда бошад. Таҷрибаи таҳияи медиа-лоиҳаҳои шабеҳ бартарият хоҳад дошт.
Кадом ВАО метавонад дар озмуни стипендияи "Формати хурд - 2024" иштирок кунад?
ВАО-и ғайридавлатӣ, нашрияҳои интернетӣ, рӯзнома ва маҷаллаҳо, ширкатҳои телевизионии хурд, радиостансияҳо, студияҳои истеҳсолӣ, муаллифони мустақил, рӯзноманигорон, блогерон, рассомон, фаъолон ва дигар гурӯҳҳои эҷодӣ. Дастаҳо метавонанд навтаъсис бошанд, аммо доираи шунавандагони худро донанд ва идеяи хуб таҳияшуда дошта бошанд.
Кадом лоиҳаҳо метавонанд дастгирии молиявӣ гиранд?
Мо интизори идеяҳои шумо дар самтҳои зерин ҳастем:
- мубориза бар зидди маълумоти бардурӯғ, далелсанҷӣ ва санҷиши маълумот;
- шинохтани таблиғу дасткорӣ (гӯлзанӣ) ва таъсири онҳо ба ҳаёт ва саломатии инсон;
- фаҳмонидани аҳамияти саводнокии ВАО ба намояндагони гурӯҳҳои мухталифи ҷомеа;
- фароҳам овардани платформаи иттилоотӣ барои табақаҳои осебпазири ҷомеа, муқовимат ба суханони хушунатомез нисбати онҳо;
- маводе, ки ба коҳиш додани нобаробарии рақамӣ, ки дар натиҷаи набудани таҷриба бо технология ва дастрасии маҳдуд ба иттилоот ба вуҷуд омадааст;
- маводе, ки ба нест кардани қолабҳои манфии дар ҷомеа мавҷудбуда нигаронида шудааст.
Лоиҳаҳои устувор ва муваффақ метавонанд барои дастгирӣ дар солҳои оянда нигаронӣ дошта бошанд. Мо омодаем ҳам форматҳои анъанавӣ ва ҳам таҷрибавиро дастгирӣ кунем. Шумо метавонед лонгрид, силсила мақолаҳо, як ё якчанд гузоришҳои махсус, аз ҷумла видеоҳо, аниматсияҳо, карикатураҳо, кортҳои додавӣ, маъракаҳои иттилоотӣ, ки ба шабакаҳои иҷтимоӣ, каналҳои Telegram ва ғайра нигаронида шудаанд, пешниҳод кунед. Илова бар ин, шумо метавонед форматҳои дигареро, ки дар боло номбар нашудаанд, пешниҳод кунед. Лоиҳаҳои офлайнӣ, аз қабили стенд-апҳо, намоишҳо ё маъракаҳои санъатӣ, инчунин метавонанд дар озмуни стипендия иштирок кунанд, аммо ба шарте, ки онҳо маводи медиавӣ дошта бошанд. Шумо метавонед дилхоҳ жанрҳо ва форматҳоеро интихоб кунед, ки дар байни шунавандагони худ маъмул мешуморед.
Истифодаи зеҳни сунъӣ ҳангоми таҳияи лоиҳаҳо бояд бо созмондиҳандагон мувофиқа карда шавад.
— Мазмун метавонад бо кадом забон бошад?
— Забонҳои ӯзбекӣ, қорақалпоқӣ ва ё русӣ.
— Лоиҳа чӣ қадар давом мекунад?
— Аз 1 то 6 моҳ.
— Андозаи стипендия чанд аст?
— Як лоиҳа метавонад аз 1000 то 5000 доллари ИМА кумаки молиявӣ гирад. Буҷети зикршуда бояд мувофиқ ва асоснок бошад.
— Кадом лоиҳаҳо ҳатман дастгирӣ намешаванд?
— Internews ВАО-еро, ки фармоишҳои давлатиро бо мундариҷаи шабеҳи лоиҳаи пешниҳодшуда иҷро мекунанд, дастгирӣ намекунад. Озмуни стипендияи "Формати хурд — 24" инчунин лоиҳаҳоро барои сохтан ва пешбурди сомонаҳо, истеҳсоли филмҳои бадеӣ ва сериалҳои телевизионӣ, видеоҳои иҷтимоӣ, клипҳои мусиқӣ ва маводҳои таълимӣ баррасӣ намекунад.
— Интихоби дархостҳо барои “Формати хурд — 2024” чӣ гуна сурат мегирад?
— Дар маҷмӯъ, озмуни стипендияи "Формати хурд — 2024" аз 4 марҳила иборат аст:
Пешниҳоди ғояҳо
Агар шумо хоҳед, ки барои лоиҳаи эҷоди мундариҷа дастгирӣ гиред, шумо бояд тавассути ин пайванд муроҷиат кунед. Мӯҳлати ниҳоии дархостҳо 14 январи соли 2024 мебошад. Як даста метавонад то се дархост пешниҳод кунад, аммо барои ҳар як дархост бояд аризаи алоҳидаро пур кунад. Ҳамзамон онро ба инобат гиред, ки танҳо яке аз дархостҳо дастгирӣ меёбад.
Интихоби техникӣ
Бо қабули дархостҳо, гурӯҳи Internews интихоби техникӣ мегузаронад. Ҳар як лоиҳа барои мувофиқат ба шартҳои озмун баррасӣ мешавад. Рӯйхати лоиҳаҳое, ки аз интихоби техникӣ гузаштаанд, аз ҷониби гурӯҳи Internews то 1 феврали соли 2024 тартиб дода мешавад. Дар ин марҳила, дархостҳое, ки дар онҳо пешниҳоди маводи ниҳоӣ, тавсифи аудиторияи мақсаднок ё асосноккунии хароҷотнадоранд, метавонанд рад карда шаванд. Ғояҳои ҷолибтарин ва хуб таҳияшуда ба даври сеюм роҳ меёбанд.
Муаррифии идеяҳо
Муаллифони лоиҳаҳое, ки аз интихоби техникӣ гузаштаанд, ба онлайн-питчинг даъват карда мешаванд, ки дар он онҳо метавонанд дар давоми 5-10 дақиқа озодона идеяи худро арза намоянд. Довталабонро комиссияҳои ҷудогонаи озмун, ки ба ҳайати он коршиносони мустақил, рӯзноманигорони маъруфи кишвар ва кормандони Internews шомиланд, хоҳанд шунид. Баъди баромад аъзоёни комиссия саволхои дақиқкунанда медиҳанд, оид ба такмили идея тавсияҳо медиҳанд ва метавонанд барои ислоҳи буҷет маслиҳат диҳанд.
Бозбинӣ ва барасмиятдарории ҳуҷҷатҳо
Қарори ниҳоӣ оид ба маблағгузории лоиҳаҳои муҳтавоӣ (медиявӣ) аз ҷониби комиссияҳои интихобӣ дар асоси меъёрҳои зерин қабул карда мешавад:
- асолати идея ва формат,
- дарки аудиторияи мақсадноки худ,
- биниши маҳсулоти ниҳоӣ,
- буҷети оқилона.
Пешниҳоди дархост
Рӯйхати ғолибони озмун дар аввали феврали соли 2024 нашр мешавад. Пас аз он, мо ду ҳафта барои анҷом додани лоиҳа, тартиб додани буҷаи ниҳоӣ ва ҷамъоварии ҳуҷҷатҳои зарурӣ вақт медиҳем. Лоиҳаҳо пас аз бастани шартномаҳо оғоз мешаванд.
Агар шумо ягон савол дошта бошед, ба Этот адрес электронной почты защищен от спам-ботов. У вас должен быть включен JavaScript для просмотра. бо нишон додани мавзӯи мактуб нависед, масалан: "Савол дар бораи озмуни Формат 2024."
