11 феврал кадом ниҳодҳо нишасти хабарӣ доранд?
11 феврал оид ба ҷамъбасти соли 2020 Вазорати меҳнат, муҳоҷират ва шуғли аҳолии Ҷумҳурии Тоҷикистон, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, Агентии хоҷагии ҷангали назди Ҳукумати Ҷумҳурии Тоҷикистон, Муассисаи давлатии «Тоҷикфилм» нишасти матбуотӣ баргузор менамоянд.
Нишасти матбуотии Агентии хоҷагии ҷангал соати 10:00 дар маҷлисгоҳи Агентии мазкур ва нишасти Кумитаи ҳолатҳои фавқулода ва мудофиаи гражданӣ соати 11:00 дар бинои Кумита баргузор мешаванд.
Вазорати меҳнат, муҳоҷират ва шуғли аҳолӣ соати 14:00 дар бинои Ҳадамоти муҳоҷират (кӯчаи Айнӣ, 121 ) ва МД «Тоҷикфилм» соати 15:00 дар муассисаи мазкур (кӯчаи Беҳзод, 25) нишасти матбуотӣ доир менамоянд.
