29 июл кадом ниҳодҳо нишасти хабарӣ доранд?

Пагоҳ, 29 июл Вазорати молияи Ҷумҳурии Тоҷикистон, Кумитаи забон ва истилоҳоти назди Ҳукумати Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон, Агентии назорат дар соҳаи маориф ва илми назди Президенти Ҷумҳурии Тоҷикистон, Муассисаи давлатии «Маркази идораи лоиҳаи  «Рушди чорводорӣ ва чарогоҳҳо» оид ба ҷамъбасти фаъолият дар  шаш  моҳи аввали  соли 2020 нишасти матбуотӣ мегузаронанд.

Нишасти матбуотии Вазорати молия соати 09:00 дар Вазорати мазкур,  Агентии назорат дар соҳаи маориф ва илм соати 11:00 дар бинои ин Агентӣ  (кӯчаи Айнӣ, 126, бинои КВД «Комбинати полиграфии шаҳри Душанбе») барпо мешаванд.

Кумитаи забон ва истилоҳот нишастро соати 09:00, Кумитаи кор бо занон ва оила соати 11:00 ва МД «Маркази идораи лоиҳаи  «Рушди чорводорӣ ва чарогоҳҳо» соати 14:30 дар Маркази матбуоти ҷумҳуриявии АМИТ «Ховар» доир менамоянд.