Шахсони хабарнигор Абдулло Ғурбатиро латукӯбкарда дарёфт ва ҷарима шуданд
Суди ноҳияи Хуросон рӯзи 2 июн се сокини ҷамоати Айнии ин ноҳияро, ки дар латтукӯби журналисти «Азия Плюс» Абдуллоҳи Ғурбатӣ даст доштанд, ҷарима баст.
Гуфта мешавад, ки ин гунаҳкорон Сӯҳроб Бобоев, Абдулмаҷид Давлатов ва Қурбоналӣ Ғуломов, сокинони ҷамоати Айнӣ буда, ҳар кадомро дар асоси моддаи 460-уми Кодекси ҳуқуқвайронкунии маъмурӣ бо иттиҳоми майдаавбошӣ 580 сомонӣ ҷарима баст. Ғурбатӣ субҳи 29 май, вақте ки барои таҳияи гузориш дар бораи сокинони селзада ба ноҳияи Хуросон омада буд, ҳадафи ҳамла қарор гирифт.
