Кӯмаки тиббии ройгон ба гирифторони короновирус

Ба шаҳрвандоне, ки аз коронавирус сироят ёфтаанд ва ё дар карантин қарор доранд, аз ҳисоби Ҳукумати Ҷумҳурии Тоҷикистон кӯмаки тиббии ройгон расонида мешавад. Дар ин бора Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар ҷавоб ба мактуби расмии Анҷумани миллии воситаҳои ахбори омма (АМВАОМТ) маълумот додааст. Дар посухи бо имзои Мирҳомиддин Камолзода, мувоини аввали вазири тандурустӣ омадааст:  аз ҳисоби Ҳукумати Ҷумҳурии Тоҷикистон ва имконоти мавҷудаи Вазорати тандурустӣ ва ҳифзи иҷтимоии аҳолӣ ба шаҳрвандон ба таври ройгон кӯмаки тиббӣ расонида мешавад.