28 январ нишастҳои матбуотии кадом ниҳодҳо баргузор мегарданд?

28 январ оид ба ҷамъбасти соли 2019 Прокуратураи генералии Ҷумҳурии Тоҷикистон, Кумитаи рушди маҳали назди Президенти Ҷумҳурии Тоҷикистон, Кумитаи ҳифзи муҳити зисти назди Ҳукумати Ҷумҳурии Тоҷикистон, Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон нишасти матбуотӣ мегузаронанд. Нишасти матбуотии Хадамоти назорати давлатии бехатарии корҳо дар саноат ва соҳаи кӯҳкорӣ соати 09:00 ва Кумитаи рушди маҳал соати 14:00 дар Маркази матбуоти ҷумҳуриявии АМИТ «Ховар» доир мешавад. Нишасти матбуотии Прокуратураи генералӣ соати 10:00 дар Прокуратураи генералӣ баргузор мешавад Кумитаи ҳифзи муҳити зист соати 10:00 нишасти матбуотиро дар кумитаи мазкур баргузор менамояд. Хотиррасон мекунем, ки тибқи нақшаи Дастгоҳи иҷроияи Президенти Ҷумҳурии Тоҷикистон, масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуоти ҷумҳуриявӣ  (хиёбони Рӯдакӣ, 40, ошёнаи 2, телефонҳои 221-34-24, 888-08-34-04) гузаронидани онҳо мувофиқа мекунанд. Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  ба забонҳои тоҷикӣ ва русӣ нашр карда мешаванд. http://khovar.tj/2020/01/28-yanvar-nishast-oi-matbuotii-prokuraturai-general-kumitai-rushdi-ma-al-kumitai-ifzi-mu-iti-zist-hadamoti-nazorati-davlatii-behatarii-kor-o-dar-sanoat-va-so-ai-k-kor-barguzor-meshavand/